شتـــــــــــــاوى ع القـــــــديم,,

يالقـديم معاهن كنك...... يبكن فيت عليك ومنك



يا القـديم أنسيتك راني ... صاحب صوب جديد لواني


ياقديم انريدك طيب ...... درت جديد احذاي اقريب



يا القـديم انسيتك مدة ...... نادم ونفكر فى الردة (قوية)


يا القديم رواهن غيرك ...... ماهن عطشانات لبيرك.


يا القـديم امغير ايمتا ....تبرم ع العين تسكتا


يالقــديم بقلة خيرك ...... لا هنت ولا درنا غيرك (اتهبل)


يالقــــديم احقوقك جنك...... وحنا ياما نبو منك



جاء القديم ايرد الرده ......ما يحساب زمانه عدا


يالقديم اصعب مجلاسك ......و العين تعانى فى يائسك


يا القـــديم امعاك انراجع ......ما نتفكر غير مواجع


يا القـــــديم نظرهن دوبك...... مادارن صوب علي صوبك


يالقـــديم وما تعلمها...... نارك صوب جديد ردمها


يا القديم اشقيت بغيرك ...... هات العقل وكثر خيرك


يا لقـــــــــديم رضاك انريده ...... ماتلزمني نار جديده (ما حلاها)



يا القـــديم معاهن كنك...... جيت بعد قلنا نسينك


يالقـديم غلاك شطبنا ......رانا شور جديد هلبنا


يا القـديم بعد حقيتك...... ردت فيا الروح وجيتك


يا القـــديم اللة لاايردك ......ماني ملك البوك وجدك


يالقــديم خلاص أنسيتك ...... وانت تنساني ياريتك


على من تخطر يا القديم.... اتعقبلى غير امواهيم



أوعينا يالقديم عليك ... أيش أيهونك ويش أينسيك


والى عنده يــــــــــــــزيد

يا القـديم انسيتك مدة ...... نادم ونفكر فى الردة


الصراحه مسروق من غرور انثى

شكر على ردك
الصراحه مسروق من غرور انثى
ما فهمتش قصدك

يا القـديم انسيتك مدة ...... نادم ونفكر فى الردة

هذا انتى اللى كتبته وانا عجبنى كتبه بعد اذنك

اها
توا انزيدلك ارجا اشوى

يخطر كل مكان على ........قديم ونبكى فيه اشوى

اتصدق لو قتلك مازال قديم اطارح كى الغزال

هههههههههه
خطيره

تربح يا القــــــــديم وعدى...مملى راحــــت من يــدى

غاب عزيز العبره تمت .......تخنق نين عربها لمت

عدى يالقديم وطز جديد امعيشنى فى عز.

تغطا ورقد كر اغطاك ........ قديمك كان ايريدك جاك

هههههههههههه قويه هذى وانا انقولك
من شر قديم افتكينا ..... ويدين حنونات القينه

سبب فرقانه من ولديك.....الله غالب يا عين عليك

النشده يالقديم على ...... اتولينى واتقطمر قى

اقدم خلونى يا مطراى.... امعرض للماشي والجاى

الدنيا يا القديم اسباب.....ايجيك نهار اتموت ارياف

اطعمتك يالقديم عدت....واللى عدت عمرا ماردت

يالقديم معاهن كنك....يبكن فيت عليك ومنك

تربح يالقديم واخطانى تاخذ سو اللى داوانى

شهاده من دينك يا عين .... جديد ايجو كيف قديمين

الصوب يخيل مع العقال ..هذي مافيها قولة قال

اقدم مازالو هو اقدم .....سوا قسمو ما قسمو هم

هازى يالقديم علينا ...ماتحساب جديد اجينا